Lulzim Basha rikthehet në krye të PD-së për një mandat të katërt me vetëm 16 196 vota të demokratëve, kundrejt 1657 vota që mori rivali i tij Gjergji Hani, ish i përndjekur politik.
Shifrat u bënë publike mbrëmjen e sotme rreth orës 21:00 (29 korrik 2023) nga Komisioni i Zgjedhjeve i PD-së me kryetar Jemin Gjana. Në 71 degë morën pjesë në votim18 052 anëtarë, ose 71 % e totalit të anëtarësisë prej 25 460 anëtarëve që u thirrën të votonin
Votimi në PD 29 korrik 2023
-18 052 fletë votimi në total
-199 fletë votimi të pavlefshme
17 853 fletë votimi të vlefshme
-Lulzim Basha mori 16 196 vota
-Gjergji Hani mori 1657 vota
Jam i vetëdijshëm për kohën e vështirë që kemi kaluar dhe sfidat në të cilat ndodhet PD, demokratët dhe opozita. E di se lumenjtë e mosbesimit rrjedhin akoma, ca të vërtetë, e dhimbshme siç është e vërteta e ca të sponsorizuar nga ata që duan me çdo kusht të ruajnë status quo-në.
Nuk ka për të qenë e lehtë, por nëse ka diçka që demokratët provuan sërish gjatë ditës së sotme, është që jemi në gjendje, jemi të aftë, jemi të përkushtuar dhe gati t’i përvishemi një tjetër beteje në dukje të pamundur, por asnjëherë të pafitueshme, ndaj le ta nisim menjëherë punën për ta ndërtuar këtë urë shprese e besimi për qindra, mijëra shqiptarë!’- tha Basha.
Procesin zgjedhor e quajti shembullor dhe falenderoi rivalin e tij në garë
‘Falenderim të veçante për Gjergji Hanin që me fuqinë e argumentit të tij me pastërtinë e shpirtit të tij me përkushtimin ndaj PD-së të djathtës shqiptare ktheu këtë proces në një debat të vërtetë idesh dhe vlerash siç duan dhe presin shqiptarët.’- tha Basha.
