Rihanna raportohet se ka sjellë në jetë fëmijën e saj të dytë, sipas disa mediave ndërkombëtare. Sipas tyre, këngëtarja dhe reperi Asap Rocky janë bërë prindër të një vajze dhe janë duke u rikuperuar në rezidencën e tyre në Los Angeles.

Në maj të vitit 2022, ylli i popit dhe reperi mirëpritën fëmijën e tyre të parë, një djalë. Lajmi për ardhjen e fëmijës së saj të dytë vjen nga faqja “Media Take Out”, por ende nuk është konfirmuar nga agjenci të tjera apo nga rrethi i këngëtares. Megjithatë, ky lajm ka filluar të përhapet nga llogari të ndryshme zyrtare në Twitter, bazuar në informacionet e faqes në fjalë.

Ardhja e fëmijës së dytë të Rihannës vjen disa muaj pas zbulimit të shtatzënisë së saj, në Super Bowl, u bë virale në mbarë botën.

Rihanna, e cila lindi një djalë me partnerin A$AP Rocky në maj 2022, performoi live për herë të parë që nga viti 2018 në Grammy. Ajo ende nuk ka publikuar një album të ri për gati 7 vite, përveç një kënge “Lift Me Up” për filmin e ri “Black Panther: Wakanda Forever”.