Kryeministri i vendit, Edi Rama ka ndarë një postim në Facebook, teksa flet me shifra rreth fluksit në aeroportin e Rinasit.

Në postim Rama thotë se deri më tani kanë shkelur rreth 4 milionë pasagjerë në aeroportin e Tiranës, çka ka kaluar çdo pritshmëri që ishte vendosur.

Kryeministri kujtoi se e kemi nisur ngjitjen nga vendi i fundi i rajonit, me rreth 350 mijë pasagjerë në vit.

Postimi i Ramës në Facebook: 

4 MILIONË PASAGJERË në Aeroportin “Nënë Tereza” janë një rekord absolut, i cili flet më shumë se 1 milionë fjalë për transformimin në vazhdim të Shqipërisë dhe një arritje e jashtëzakonshme, që premton kapërcimin e tavanit të 6 MILIONË pasagjerëve deri në fund të këtij viti, çka do të thotë aeroporti kampion në një rajon ku e kemi nisur ngjitjen nga vendi i fundit, me rreth 350 mijë pasagjerë në vit, kur morëm mandatin e parë për të rilindur Shqipërinë