Një kamion me targa të Tiranës është përfshirë nga flaket mbrëmjen e sotme në aksin rrugor Lushnjë- Rrogozhinë.

Drejtuesi i  kamionit ka parë që ka  dalë tym nga pjesa e përparme e kamionit dhe ka hapur krahun menjëherë në anë të rrugës. Pas tymit kamioni është përfshirë nga flakët të cilat u përhapën me shpejtësi.

Flakët ishin të mëdha duke bërë që të krijohej dhe panik te mjetet që kalonin në këtë aks dhe prania e një karburanti rreth 50 metër  pranë.

Në vendngjarje kanë ardhur zjarrfikësit e Lushnjës, Divjakës, dhe Rrogozhinës të cilët bën të mundur vënien nën kontroll të flakëve për të mos rrezikuar me tej.

Nga ana e policisë u mor në pyetje drejtuesi i kamionit i cili dha shpjegimet e tij se çfarë ai kishte parë. Nga hetimet paraprake dyshohet se shkak ka qenë një avari në linjën elektrike të mjetit.

Lushnjë/Informacion paraprak

Rreth orës 19:35, në vendin e quajtur “Rotondo e Çermës”, ka marrë flakë, në ecje e sipër, automjeti kamion tip “Skania” me drejtues shtetasin L. M.

Nga flakët janë shkaktuar vetëm dëme materiale.

Paraprakisht dyshohet se zjarri ka rënë për shkak të një defekti në mjet.

Grupi hetimor po punon për sqarimin e plotë të rrethanave të ngjarjes.