Publikohen emrat e dy personave që ndërruan jetë në aksidentin tragjik në orët e para të ditës së sotme në aksin Ksamil-Sarandë. Gritto Domenico dhe Vicenzo Tizziano janë dy turistët italianë që humbën jetën.

Ata u përplasën me një mjet tip ‘Benz’ i drejtuar nga një adoleshent 17-vjeçar i cili ishte nisur me një mikun e tij 16-vjeç drejt Ksamilit, ndërsa italianët po ktheheshin nga Ksamili për Sarandë.

Të rinjtë vdiqën në vend. Përplasja ka qenë aq e fortë sa dëmtime të shumta ka pësuar edhe makina tip “Benz” që drejtohej nga një 17-vjeçar pa patentë. Adoleshenti dhe miku i tij janë në spital. Ngjarja shkaktoi kaos në qarkullim për disa orë.