Një ngjarje tragjike ndodhi orët e para të mëngjesit të sotëm në “Orange Club” në Sarandë, ku kamarieri 17-vjeçar ndërroi jetë pasi e zuri poshtë ashensori, kavoja e të cilit u këput.

17-vjeçari punonte ndihmës kamarier në lokalin ku ndodhi ngjarja, ndërsa ashensori përdorej kryesisht për transport të mallrave.

Policia arrestoi 43-vjeçarin Lulëzim Allkushi, i cili ishte personi që kishte montuar ashensorin, teksa u shpall në kërkim pronari i lokalit, Spiro Iliadhi.

Ndërkohë, mësohet se 43 vjeçari nuk ishte i licencuar për montimin e ashensorëve dhe po ashtu pas montimin, nuk kishte shkuar më për t’i bërë shërbime ashensorit që shkaktoi vdekjen e të riut.