Aleksandar Vuçiç ka thënë se është në marrëdhënie miqësore me ambasadorin rus Alexander Botsan-Kharchenko dhe ka hedhur poshtë akuzat se po takohej me diplomatin rus për t’i raportuar atij.

“Unë e njoh ambasadorin e Rusisë prej shumë vitesh. Kemi një marrëdhënie të mirë, por më duket absurde të thuhet që i kam raportuar. Kam qenë unë që e kam pritur atë në zyrë dhe jo e anasjella, tha Vuçiç në një konferencë për shtyp, ndërsa komentoi pretendimet.

Ai shtoi se njerëzit që duan të vendosin sanksione kundër Moskës dhe të ndjekin një politikë jomiqësore ndaj Rusisë ishin të interesuar për këtë lloj “propagande”, të cilën ai e hodhi poshtë si një “qasje të papërgjegjshme dhe joserioze”.