Momenti kur një alpinist nga Irlanda arriti të ngjitet në murin e improvizuar si shkëmb, pa përdorur fare duart, është bërë viral në rrjet. Robert McCaffrey postoi videon që u shpërnda nga më shumë se 5 mijë ndjekës në Instagram, ku shihet sesi ushtrohet të ngjitet në mur duke mbajtur duart prapa shpinës.
Burri nga Dublini arrin të ruaj balancën, teksa ngjitet në mur dhe vetëm me këmbë arrin të kalojë deri në majë. Ky alpinist irlandez po cilësohet si fenomen se si po arrin të ruaj gjakftohtësinë dhe të balancojë trupin. Pamjet janë bërë virale në rrjetet sociale dhe burrin nga Dublini po e cilësojnë si shumë të guximshëm, pasi mjafton një lëvizje më e vogël e pakujdesshme që të lëndohet.
