Motoçikletat ishin pasioni i tij i madh. Që kur ishte fëmijë. Ai shpesh i kushtonte postime në rrjetet sociale një miku të tij të ngushtë, i cili kishte vdekur vite më parë në një aksident me motor. Dhe, me një kthesë tallëse të fatit, i njëjti fat i ndodhi edhe atij.
Pasditen të së enjtes, 7 shtator, Aldo Gjoka , 29-vjeçari lindur në Tiranë, por banues në Lecce të Italisë, gjeti vdekjen pranë Torre Specchia, një marinë një hedhje guri nga San Foca në bregdetin Adriatik të Salentos.
Ai ka qenë duke lëvizur me motorin e tij, kur për shkaqe ende të konstatuara, i riu është përplasur me një makinë, tip ‘Jaguar’ me një 44-vjeçar gjithashtu me origjinë shqiptare. Për shkak të goditjes së fortë të aksidentit, makina ka përfunduar në një parmak ndërsa Aldo Gjoka ka përplasur murin rrethues të një prone private, duke e rrëzuar atë.
Gjithashtu si pasojë e aksidentit u shkatërrua një shtyllë ndriçim. Mediat italiane bëjnë me dije se motori mori flakë dhe dokumentet e motoçiklistit u shkatërruan gjithashtu nga flakët, duke vështirësuar fillimisht njohjen.
Disa shoferë kalimtarë kanë lajmëruar shërbimet e urgjencës duke telefonuar qendrën operative 118 dhe policinë. Skena u shfaq menjëherë shumë e rëndë. Përpjekjet për ta ringjallur të riun ishin të kota dhe ai praktikisht vdiq menjëherë: lëndimet që mori rezultuan shumë të rënda. Drejtuesi i makinës, në gjendje konfuze, u dërgua në spital për kontrolle të mëtejshme dhe për t’iu nënshtruar testeve të alkoolit dhe drogës.
Pas pak minutash në vendin e tragjedisë kanë mbërritur edhe disa nga miqtë e viktimës. Automjetet janë sekuestruar nga policia për hetime të mëtejshme.
