Një aksident i rëndë ka ndodhur në Korçë këtë të mërkurë ku tre persona kanë mbetur të plagosur.
Ngjarja ka ndodhur rreth orës 16:05 në aksin rrugor “Korçë-Pogradec” pranë Maliqit, ku shoferi me inicialet R.L ka humbur kontrollin e automjetit tip “Audi” dhe ka dalë nga rruga. Si pasojë janë plagosur shtetasit, 46-vjeçari I.V, 23-vjeçari E.Xh dhe 17-vjeçari O.V, banues në Pogradec.
Të dëmtuarit janë dërguar në spitalin e Korçës ku po marin trajtimin nga mjekët, por nuk ka informacion për gjendjen e tyre shëndetësore. Grupi hetimor ka mbërritur në vendin e ngjarjes dhe po punon për zbardhjen e aksidentit, ndërkohë shoferi R.L është proceduar nga autoritetet.
Njoftimi i Policisë
Maliq/Informacion paraprak
Më datë 13.09.2023, rreth orës 16:05, në aksin rrugor “Korçë-Pogradec”, pranë kryqëzimit të fshatit Libonik, Maliq, shtetasi R. L., duke drejtuar automjetin tip “Audi”, dyshohet se ka humbur kontrollin mbi drejtimin e tij dhe automjeti ka dalë nga rruga.
Për pasojë janë dëmtuar shtetasit I. V., 46 vjeç, E. Xh., 23 vjeç dhe O. V., 17 vjeç, banues në Pogradec, pasagjerë në këtë automjet, të cilët u dërguan për mjekim në spitalin e Korçës.
Me shtetasin R. L., po kryhen veprimet e mëtejshme procedurale. Grupi hetimor po punon për zbardhjen e rrethanave të aksidentit.
