Me fillimin e Debatit të Madhe në Këshillin e Sigurisë në OKB, pati dhe një përplasje mes Edi Ramës dhe delegatit të Rusisë.

Kryeministri shqiptar kryeson këtë debat dhe aty ishte i ftuar presidenti ukrainas, Volodymyr Zelensky. Kjo ka qenë e papranueshme për delegacionin rus, i cili i ka kërkuar llogari Ramës në cilësinë e kryesimit të KS-së.

Rama iu kthye se kjo nuk është një precedent i presidencës shqiptare, pasi Zelensky ka qenë i ftuar edhe herë të tjera në Këshillin e Sigurisë.

Sipas Rusisë, presidenti Zelensky nuk duhet të jetë i ftuar në mbledhje pasi Ukraina nuk është pjesë e KS-së.

Në një moment Rama i tha delegatit rus se nëse ti do që Zelensky të mos flasë këtu, ndalojeni luftën në Ukrainë dhe ai nuk do të flasë.

Këtë pasazh të shkurtër e ka ndarë në rrjetin social X edhe presidenti Zelensky duke u shprehur:

I dashur Edi Rama, sot në KS ti tregove botës se si të përballosh korrektësisht Rusinë, gënjeshtrat e saj, dhe hipokrizinë e saj. Të falënderoj për drejtimin e Presidencës me një sjellje kaq parimore.