Një plagosje me thikë është regjistruar paraditen e kësaj të shtunë në Vlorë. Ngjarja ka ndodhur në Novoselë, ku i plagosur ka mbetur 33-vjeçari Albano Meçorrapaj.

Ky i fundit është dërguar në spital me plagë ndërsa për rastin është njoftuar policia, e cila ka nisur punën për zbardhjen e ngjarjes.

Sakaq është identifikuar edhe autori, Rajli Kasmi, i shpallur ne kerkim.

Vlorë/Informacion paraprak

Rreth orës 09:30, në autostradën Vlorë-Fier, në afërsi të fshatit Novosel, dyshohet se shtetasi R. K., rreth 35 vjeç, ka goditur me mjet prerës(thikë), për motive të dobëta, shtetasin A. M., 33 vjeç.

Policia ndodhet në vendngjarje, ka ngritur pika kontrolli dhe po vijon krehjen e zonës, për kapjen e autorit të dyshuar të ngjarjes.

Shtetasi A. M. ndodhet në spital, jashtë rrezikut për jetën.

Vijon puna e grupit hetimor, për sqarimin e plotë të rrethanave të ngjarjes.