Një tërmet me magnitudë 4.6 ballë të shkallës Rihter ka goditur Turqinë qendrore. Sipas agjencisë turke të menaxhimit të fatkeqësive AFAD, tërmeti ka ndodhur në rrethin Yuksun të Kahramanmaras në orën 11:22.

Kujtohet se kjo zonë kishte pësuar dëme të konsiderueshme në tërmetet e forta të ndodhura shkurtin e kaluar. Tërmeti i sotëm ka ndodhur në një thellësi prej rreth 8.48 kilometra.

Sipas Hurriyet, guvernatori i Kahramanmaras tha se aktualisht nuk ka raportime për dëme në zonë. Deklarata të ngjashme ka bërë edhe ministri i Brendshëm i vendit, Ali Gerlikaya, në një postim në rrjetet sociale.