Si pasojë e një sulmi me armë dhe shkëmbimeve me armë zjarri që vijojnë prej mëngjesit mes forcave të policisë dhe forcave të armatosura që ndodhen në manastirin e Zveçanit. Sveçla konfirmon se janë vrarë 3 terroristë serbë ndërsa janë arrestuar 6, 2 prej tyre të plagosur.

Në fshatin Banjska në Zveçan, në veri të Kosovës, të banuar me shumicë serbe, situata mbetet e tensionuar. Grupe të organizuara me uniformë, të maskuar dhe të pajisur ushtarakisht me mjete të blinduara dhe armë të rënda të llojeve të ndryshme vijojnë të qëllojnë në drejtim të policisë së Kosovës.

Ministri i Brendshëm, Xhelal Sveçka ka konfirmuar se janë nxjerrë 30 serbët që u ngujuan në Manastirin e Zveçanit. Ai u shpreh se janë ekzekutuar 3 terroristë si dhe janë arrestuar 6, 2 prej tyre të plagosur. Sveçla u shpreh se kemi të bëjmë me një grup kriminal, të cilët kishin ardhur në territorin e Republikës së Kosovës super të armatosur.
Afrim Bunjaku u vra dhe 2 policë u plagosën rreth orës 02:34 minuta të 24 shtatorit, kur grupet e armatosura sulmuan njësitin e policisë, të cilit e kishin zënë pritë në hyrje të fshatit. Më pas formacioni prej 30 personash me uniforma ushtarake dhe i armatosur rëndë , – shifër e dhënë nga autoritetet kosovare – u fut në manastirin Banjskës në Zveçan ku vijon të sulmojë policinë