Është publikuar video e atentatit të Salavador Kaçit në maj 2023. Siç shihet edhe nga video, që ka publikuar Sali Berisha, dy makina i presin rrugën në aksin Lezhë-Milot.

Gjatë një deklarate për mediat, Berisha tha se kjo video mbetet dëshmi flagrante e farsën elektorale të 14 majit, ku sipas tij krimi u shndërrua në votë dhe vota në krim.

“Më datën 14 maj kam denoncuar atentatin e dështuar, të organizuar nga bandat kriminale, ndaj ish-kryetarit të Bashkisë së Shëngjinit, njërit prej futbollistëve më të shquar të vendit, demokratit Salvator Kaçi, i cili po kalonte së bashku me të birin, po udhëtonte, dhe banditë të armatosur i dalin përpara për ta ekzekutuar, por një manovrim i shpejtë i shoferit, e bëri të pamundur aktin e tyre kriminal”, tha Berisha.