Deputeti Ervin Salianji, në seancën e posaçme për Kosovën, u ndal te fjala e Kryeministrit Edi Rama, për të cilin ngre pyetjet se përse foli për veriun e Kosovës dhe Kurtin dhe jo të diskutonte veprimet e Vuçiçit. Salianji gjithashtu vë në dukje deklaratat e kryeministrit mbi aktivitetin e KFOR-it, ku ndryshe nga Rama thekson se është policia e Kosovës dhe KFOR, kompetent.

Ervin Salianji: Ju e keni marr peng Kuvendin. Kryeministrit i është bërë ves që ta ketë të trukuar dhe debatin. E patë se si nuk foli për Kosovën por mbrojti qëndrimet e veta. E patë se si nuk foli për Vuçiçin dhe Serbinë po për armëmiqësinë me Kurtin. Fjalimi i tij ishte kundër kësaj rezolute. PS nuk pranonte që të votohej rezoluta e Kosovës sepse në të bëhej përgjegjëse Serbia dhe e dyta nuk pranonte hetimin ndërkombëtar. Këto dy pika iu imponuan PS-së. Nuk besoj që atë që s’e thotë Albin Kurti e thotë njëri përtej kufirit. Qartësisht Rama thotë që KFOR duhet të jetë mbikëqyrës. Në marrëveshjen e Kumanovës, e ka pasur kontrollin, e dyta KFOR nuk ka kërkuar të marrë në kontroll qytetet,sepse është kompetencë e policisë së Kosovës. Së treti veriu nuk është “tokë e askujt” por ka qenë më parë dhe policia ka kontroll.

Pse Rama merret me veriun e Kosovës, Kurtin dhe jo Vuçiçin. Një orë e gjysmë kishte kohë. Pse nuk merret me atë që vret policë. Çfarë mase ka marrë Edi Rama ndaj Serbisë?