Mbrëmja e djeshme ka qenë e pakëndshme për këngëtarin nga Kosova, Gold AG. Ai kishte një koncert në Greqi, mirëpo kur arriti në Athinë pas mesnatës u ndalua nga policia. Pas kontrollit të pasaportave, Gold AG u shoqërua nga policia dhe u mbajt i mbyllur deri mëngjesin e sotëm.
Arsyeja sipas tij kanë qenë këngët e tij dhe dikush do të ketë spiunuar për to. Gold AG shprehet se shpesh është burgosur dhe rrahur dhe nuk ka treguar asnjë emër. Por kjo ndodhi sipas tij, vetëm sepse është shqiptar.
Postimi i Gold AG në InstaStory:
“Lajmërim për shqiptarët në Greqi. Mbrëmë rreth orës 1:00 të mesnatës arrita në Athinë. Në kontrollin e pasaportave, u ndalova nga policia greke dhe më mbajtën të mbyllur deri në mëngjesin e sotëm. Arsyeja e vetme ishin këngët e mia dhe ma bënë të ndaluar hyrjen në atë vend”.
Ju kërkoj falje të gjithë dashamirësve që do të ishin sonte edhe nesër prezent në koncertet e mia. Shpresoj të shihemi herë të tjera.
Kushdo që ka spiunuar, dua t’i them disa fjalë. Jemi burgosur historikisht, kemi vdekur nga rrahjet dhe torturat por emra nuk kemi nxjerrë. Dhe tani pa na rrahur askush, e nxjerrim njëri-tjetrin në gracka për fitime personale. Jam mësuar se kjo nuk është hera e parë. Nuk jam fajtor që jam shqiptar”.
