Memorandumi i Mirëkuptimit për hapjen e kampusit të Kolegjit të Evropës në Tiranë u firmos më 6 tetor nga Manastirliu, Rektorja e Kolegjit të Evropës, Federica Mogherini dhe Kryetari i Bashkisë së Tiranës, Erion Veliaj, në praninë e Komisionerit të Bashkimit Evropian për Fqinjësinë dhe Zgjerimin, Oliver Varhelyi dhe Ambasadorit të Delegacionit të Bashkimit Evropian në Shqipëri, Luigi Soreca.

Ditën e sotme ka mbërritur në Tiranë dhe Presidentja e Këshillit Evropian Ursula von der Leyen, në kuadër të Samitit të Procesit të Berlinit.

Së bashku me Ramën, Mogherinin ata inauguruan hapjen e një dege të re të Kolegjit të Evropian në Tiranë.

Ursula:

I nderuar kryeministër, i dashur Edi, shumë e dashur Federika. E mbaj mend vjet kur ishit ju që lançuat idenë e mrekullueshme për të pasur një degë të kolegjit të Evropës në Tiranë, ishit ju që e patët këtë ide. Kështu filluam punën, KE qeveria juaj dhe Kolegji i Europës. Dhe ja ku jemi sot duke krijuar themelet e degës së tretë të Kolegjit të Evropës në Tiranë. Nesër do të hapim edhe zyrën e kolegjit, por sot do të përqendrohemi tek ata që do t’i japin jetë kolegjit. Dhe sot ishte kënaqësi të lanconim çeljen e regjistrimit në këtë kolegj për këtë vit akademik. Ju e thatë vetë kjo është dega e tretë e kolegjit. 31 studentë do të jenë pjesë e kursit master. Por kam kënaqësië t’ju njoftoj se do të kemi 15 bursa për studentë të Ballkanit Perëndimor për 3 vite”, tha Von Der Leyen.