Rama e cilësoi vizitën e macron më shumë se formale teksa shtoi se Franca ka rritur angazhimin e saj në rajon.

Rama:

Jam shumë i lumtur që jam në krah të presidentit të Francës, jo në Paris, jo në Bruksel, por në Tiranë. Jam shumë i lumtur pas një pritje të paktën shekullore, jemi për një vizitë bilaterale. Është një vizitë miqësore, angazhimi për të thelluar më tej në marrëdhëniet mes Francës dhe Shqipërisë, dhe po të shohim të dhënat konkreta kanë njohur një zhvillim të papritur në vitet e fundit, si rezultat i angazhimit të Francës në rajon, të angazhimit të vetë presidentit në kërkim të një marrëdhënie konkrete dhe produktive për BE dhe BP.

Marrëdhënie kjo që duhet të jetë në gjendje që në çdo hap t’u japë vendeve tona mundësinë e bashkimit me Europën, pa rënë në kurthin e traditës së procesit të integrimit, i cili sipas meje dhe Presidentit duhet të vijojë në meritën e çdo vendi, por nuk duhet lënë të bëhet një arsye ankthi në raport me të ardhmen e vendeve tona. Jam shumë i lumtur që Presidenti e tha mbrëmë qartë se zgjerimi i BE-së nuk duhet të pengojë ribashkimin e Europës dhe për këtë unë jam shumë shpresëplotë që Presidenti do udhëheqë një proces të tillë.