Në konferencën për shtyp me presidentin e Francës, Emmanuel Macron, kryeministri Edi Rama u ndal edhe te turizmi. Sipas të dhënave tha Rama, deri tani 80 mijë turistë francezë e kanë vizituar Shqipërinë.

Kjo sipas Ramës është një lajm i mirë, pasi më parë në Francë bëheshim lajm vetëm për keq sa i takon Shqipërisë,

“Sot kemi një të dhënë inkurajuese, 80 mijë turistë francezë vizituan Shqipërinë deri tani, numri mund të shtohet edhe në këtë kohë të mbetur të vitit 2023. 80 mijë para ca vitesh ishin shifër e paimagjinueshme. Prania e madhe e turistëve është një arsye për të besuar se në këtë angazhim baza e lidhjes dhe njohjes ndërsjellët po fuqizohet çdo ditë nga njerëzit. Deri para disa vitesh Shqipëria bënte lajm në Francë vetëm për arsye të gabuara, sot fakti që 80 mijë francezë vijnë në Shqipëri për pushime është një lajm për arsyet më të mira”– tha Rama.