Jamarbër Malltezi është arrestuar nga Policia mbrëmjen e sotme në Rinas.
Ai është ndaluar me urdhër të SPAK për privatizimin e kompleksit “Partizani”.
Ndaj tij ka patur urdhër arresti të firmosur nga Gjykata e Posaçme.
Privatizimi i ish-kompleksit sportiv “Partizani” është një çështje që është marrë prej kohësh në shqyrtim nga SPAK. Tashmë aty është ndërtuar një kompleks pallatesh. Malltezi akuzohet për korrupsion dhe pastrim parash.

GJKKO ka pranuar kërkesën e SPAK për ndalimin e dhëndrrit të ish-kryeministrit Sali Berisha. Ndërkohë kreu i Rithemelimit më herët ka njoftuar një konferencë për mediat nga selia e PD-së.

Malltezi po kthehej prej një udhëtimi nga jashtë vendit kur u ndalua në Aeroportin e Rinasit.