Sot pati takim në Bruksel mes liderve Albin Kurti dhe Aleksandër Vuçiç.
Të dy kanë patur takime me udhëheqësit më të rëndësishëm europianë për të zgjidhur me anë të dialogut problemet mes Kosovës dhe Serbisë.
Rama ka përgëzuar Kurtin pë pranimin e propozimit të BE-së. Për Ramën ky është një moment historik i rëndësishëm dhe sipas tij liderët e Kosovës dhe Serbisë duhet të demonstrojnë lidership dhe të punojnë ngushtë me partnerët perëndimorë.
Postimi i Ramës në X:
E përgëzoj Kryeministrin e Kosovës për pranimin e propozimit të BE-së për të avancuar me vendosmëri drejt zgjidhjes debllokuese të ASM-së përmes instrumenteve të vetë-menaxhimit si kornizë për negociatat e ardhshme. Ky është me të vërtetë një moment historik i rëndësishëm. Liderët e Kosovës dhe Serbisë duhet të demonstrojnë lidership dhe të punojnë ngushtë me partnerët tanë perëndimorë për të zbatuar menjëherë Marrëveshjen Themelore për normalizimin e marrëdhënieve, pa vonesa të mëtejshme. Rajoni ynë meriton paqen, stabilitetin dhe bashkëpunimin për një të ardhme të përbashkët, më të mirë, në vend të konflikteve, lojërave të fajësimit dhe pengesave që na dëmtojnë të gjithëve.