Në lidhje me vendimin e Gjykatës së Posaçme për paraqitjen e Sali Berishës para autoriteteve gjyqësore, ka pasur dilema nëse ish-kryeministri do të paraqitet ose jo paraditen e kësaj të hëne. Berisha ka shprehur publikisht se nuk njeh ligjshmërinë e vendimit të Gjykatës së Posaçme, duke argumentuar se ky vendim është antikushtetues dhe se për të marre një vendim të tillë ndaj një deputeti, duhet të kishte pasur një kërkesë për autorizim në Kuvendin e Shqipërisë.

Sipas Kodit të Procedurës Penale të Shqipërisë, në rastet kur personi i akuzuar shkel masën e sigurimit, Gjykata ka kompetencë për të ndërmarë masa më të rënda të sigurimit, duke marrë parasysh rëndësinë, motivet dhe rrethanat e shkeljes. Kjo përfshin mundësinë e zëvendësimit ose ndryshimit të masës së sigurimit me një masë tjetër më të rëndë. Në rastin e Sali Berishës, masa më e rëndë e sigurimit mund të përfshijë arrestin në shtëpi, shoqërimin me forcë, ose masa të tjera të ngjashme, ndonëse arresti me burg nuk është i mundur për shkak të moshës së tij.

Për rrjedhojë, nëse Sali Berisha refuzon të paraqitet vullnetarisht para autoriteteve gjyqësore, Gjykata ka të drejtë të vendosë masa më të rënda të sigurimit në përputhje me dispozitat ligjore të vendit.