Autoriteti Rrugor ka njoftuar se në Bypass-in e qytetit të Vlorës do të zhvillohen punime të rëndësishme për rivitalizimin dhe mbrojtjen e skarpatave nga rënia e gurëve. Për të kryer këto punime, është e nevojshme të ndërpritet trafiku përkohësisht në këtë segment të rrugës.

Mbyllja e trafikut do të aplikohet konkretisht nga kilometri 12, që fillon pas fshatit të Kaninës, deri në kilometrin 20 në afërsi të kryqëzimit që del në Rradhimë. Bllokimi i trafikut në këtë segment do të nisë më datën 10 nëntor 2023 dhe do të vazhdojë deri në përfundimin e të gjitha punimeve të nevojshme për të garantuar sigurinë dhe funksionalitetin e rrugës, pa trafik.

Autoriteti Rrugor ka kërkuar mirëkuptimin e banorëve dhe përdoruesve të rrugës për këto ndërhyrje të rëndësishme që po zhvillohen në këtë aks rrugor, deri në përfundimin e plotë të projektit të rivitalizimit dhe sigurisë rrugore.