Ministri i Brendshëm shqiptar, Taulant Balla, ka filluar një vizitë zyrtare në Moldavi, ku ka zhvilluar një takim me homologun e tij moldav, Adrian Efros. Në këtë takim, dy ministrat kanë firmosur një marrëveshje për bashkëpunim policor, duke thelluar lidhjet mes Shqipërisë dhe Moldavisë në fushën e sigurisë dhe luftës kundër krimit të organizuar.

Në fokus të takimit ishte shkëmbimi i informacionit në luftën kundër trafikut të drogës dhe substancave narkotike. Ministri moldav, Adrian Efros, ka shfaqur interes për të marrë eksperiencën e Shqipërisë në implementimin e Paketës së Sigurisë në Shkolla, një projekt i cili ka për qëllim përmirësimin e sigurisë në ambientet shkollore.

Gjatë bisedave, ministrat Balla dhe Efros kanë shprehur vullnetin për të thelluar bashkëpunimin midis dy vendeve në shumë fusha me interes të përbashkët. Ata kanë diskutuar për aspiratat e tyre për anëtarësim në Bashkimin Europian dhe kanë shfaqur gatishmërinë për të ndarë eksperiencat në kuadër të procesit të integrimit europian.

Ministri Balla, në fjalën e tij, ka theksuar rëndësinë e marrëveshjes së nënshkruar për rritjen e operacioneve përbashkët policore dhe adresimin e sfidave të përbashkëta, duke përfshirë krimin ndërkufitar, luftën kundër krimit të organizuar, dhe trafikimin e drogës.

“Kjo marrëveshje është një hap i rëndësishëm për të rritur operacionet e përbashkëta policore dhe adresuar çështjet me rëndësi për sigurinë e qytetarëve tanë,” tha ministri Balla në një deklaratë pas takimit.