Motra e Adnant Jaupit, personit të cilin trupin e tij e gjetën të pajetë në Xarrë, ka ndarë disa detaje lidhur me komunikimin e tyre të fundit dhe faktin se nuk kishin denoncuar zhdukjen e tij më parë.

Motra e Adnant Jaupit sqaroi se kishin biseduar me të vllain e tyre një muaj më parë. Ajo theksoi se Adnanti punonte në një fermë në Sarandë dhe se nuk e kishin shpallur të humbur.

“Ne e dënim që ai punonte sepse këtë gjë e ka bërë më parë. I shkëpuste lidhjet për 2-3 muaj dhe më pas kontaktonte. Nuk kishim shkuar as në polici. Ishte hera e parë dje që mori policia e Sarandës, që dhanë lajmin që është gjetur i vdekur,” tha motra e Adnant Jaupit.

Kjo deklaratë shpalos një situatë ku nuk ishte raportuar ndonjë mungesë e tij në fillim dhe përcjell një pamje të pasigurtë për ngjarjet përreth zhdukjes dhe gjetjes së trupit të tij.