Autoriteti Rrugor Shqiptar (ARRSH) ka bërë një njoftim përmes një postimi në Facebook lidhur me situatën e vështirë në akset rrugore në vend pas motit të ftohtë dhe reshjeve të dëborës.

Gjatë orëve të natës dhe mëngjesit, ARRSH njofton se ka pasur reshje dëbore vetëm në zonën e Llogarasë, ku janë kryer punime për pastrimin dhe shpërndarjen e kripës. Temperaturat në zonat malore raportohen të kenë rënë deri në -7.

Nëpërmjet njoftimit, ARRSH bën të ditur se qarkullimi vazhdon pa probleme në të gjitha akset rrugore kombëtare. Grupet e mirëmbajtjes janë angazhuar për shpërndarjen e kripës me qëllim evitimin e ngricave.

Drejtuesit e automjeteve këshillohen të pajisen me goma dimërore dhe zinxhirë kur udhëtojnë në segmentet me prezencë dëbore. Po ashtu, u bëhet thirrje që të ulin shpejtësinë, të respektojnë sinjalistikën dhe udhëzimet e Policisë Rrugore.

🚧Gjatë orëve të natës dhe në mëngjes reshje dëbore ka pasur vetëm në Llogara🌨️ ku është punuar për pastrimin dhe shpërndarjen e kripës🚜
Temperaturat kanë qenë të ulëta, deri në -7 në zonat malore❄️
🦺Grupet e punës të mirëmbajtjes kanë punuar pa ndërprerje në të gjitha akset me prezencë dëbore për shpërndarjen e kripës me qëllim evitimin e ngricave🚜
Qarkullimi vijon pa probleme në të gjitha akset nacionale🚘
⚠️Drejtuesit e mjeteve të pajisen me goma dimërore dhe zinxhirë kur udhëtojnë për në segmentet me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore👮
#ARRSH #MIE