Situata në Kuvendin e Shqipërisë është e tensionuar, me konflikte mes deputetëve të opozitës dhe Gardës. Disa deputetë të përjashtuar kanë tentuar të hyjnë, por janë penguar nga Garda. “A jeni në terezi, kush ua jep urdhrat? Kështjella e Lindës është?” – dëgjohet të thonë deputetët e opozitës me tone të forta.
Në seancën e sotme, pritet të shqyrtohen 6 projektligje, përfshirë marrëveshjen me Italinë për emigrantët, megjithatë, nuk pritet të kalohet sot në Parlament. Kryetarja e Gjykatës Kushtetuese ka sugjeruar shtyrjen e ratifikimit, duke thënë se çështja do të shqyrtohet nga Kushtetuesja, pas padisë së opozitës një ditë më parë.
