Tensionet në hyrje të Kuvendit vazhdojnë, ku deputetët e opozitës, disa prej tyre të përjashtuar, janë penguar nga Garda për të marrë pjesë në seancën plenare.

Ndërkohë, deputetët e mazhorancës janë futur brenda që prej orës 9, pas kritikave të kryeministrit Edi Rama për mungesat në seancat e mëparshme.

Ata duket se i kanë bindur Ramës duke marrë pjesë në seancën e sotme më herët. Jashtë vazhdojnë tensionet dhe “përplasjet” me Gardën, siç dëshmon deputeti i opozitës Saimir Korreshi me tone të forta.

Situata mbetet e pasigurtë në ambientet parlamentare.