Në një fjalim para Bundestagut, Olaf Scholz, kryeministri gjerman, tha se duhet të shpërblehet Shqipëria për përpjekjet e saj të vazhdueshme në reforma. Ai theksoi se kur një vend, si Shqipëria, ka kaluar nëpër reforma të mëdha, duhet njohur për arritjet e tyre. Scholz shtoi se nëse vendet kandidate nuk shpërblehen për përpjekjet e tyre, ekziston rreziku i pasojave të këqija në procesin e zgjerimit të Bashkimit Europian.

Gjithashtu, kryeministri gjerman shprehu mbështetjen e tij për fillimin e negociatave të anëtarësimit në BE me Ukrainën, Moldavinë dhe Gjeorgjinë, ndërsa tha se është koha që të shpejtohen procedurat e anëtarësimit. Ai gjithashtu diskutoi ndryshimet kushtetuese në Maqedoninë e Veriut, duke kërkuar ndihmën e Partisë Demokristiane (CDU) në përpjekjet për stabilizim në atë vend.

Në lidhje me çështjen buxhetore në Gjermani, Scholz bëri thirrje për një “kompromis të mirë demokratik”, ndërsa lideri i CDU, Friedrich Merz, kundërshtoi dhe e quajti një “mashtrim buxhetor”. Mertz gjithashtu kërkoi një votim parlamentar në janar për të zgjidhur hendekun financiar prej 17 miliardë eurosh në buxhetin e 2024-ës.