Shtatë persona janë para gjykatës në Vlorë në kuadër të operacionit policor “Reset”. Të arrestuarit përfshijnë banorë nga fshatrat Trevllazër dhe Babicë, si dhe nga qyteti i Vlorës dhe Patosit. Ata do të njihen me masën e sigurisë, dhe prokuroria ka kërkuar arrest me burg duke i akuzuar për vepra të ndryshme penale, përfshirë “Kultivim të lëndëve narkotike”, “Trafikim të lëndëve narkotike” dhe “Grup i strukturuar kriminal”.

Gjatë operacionit, policia ka sekuestruar 500 kilogramë lëndë narkotike cannabis sativa, të paketuar në 34 boçe të ndryshme. Përveç drogës, janë gjetur dhe sekuestruar 2 armë zjarri, 4 automjete dhe 8 celularë. Autoritetet dyshojnë se droga ishte e destinuar për trafikim në shtetin turk. Në hetim, ka edhe persona të tjerë që janë shpallur në kërkim. Vendimi për masën e sigurisë pritet të merret gjatë ditës nga gjyqtarja Eranda Cufo.

Kanë mbërritur me në gjykatën e shkallës së parë në Vlorë, 7 të arresturit në kuadër të operacionin policor “Reset”.

Idriz Meminaj, 39 vjeç, banues në fshatin Trevllazër;

Romir Meminaj, 49 vjeç, banues në fshatin Trevllazër;

Emanuel Meminaj, 22 vjeç, banues në fshatin Trevllazër;

Nertin Gjoni, 39 vjeç, banues në fshatin Babicë;

Xhuljano Gjoni, 30 vjeç, banues në fshatin Babicë

Laurent Likaj, 37 vjeç, banuses në Vlorë

Altin Meçi, 50 vjeç, banues në Patos.

Ata do të njihen sot me masën e sigurisë.Prokuroria e Vlorës kërkon për të 7 të arrestuarit masën e sigurisë “Arrest me burg” ndërsa avokatët mbrojtës duan një masë më të lehtë sigurie. Mbi ta rëndojnë veprat penale “Kultivim i lëndëve narkotike” “Trafikim i lëndëve narkotike” “Grup i strukturuar kriminal”. Vendimi pritet të jepet sot nga gjyqtarja Eranda Cufo.