Deputetët e opozitës kanë drejtuar një padi në Gjykatën Kushtetuese lidhur me kërkesën e SPAK për të kufizuar lirinë e ish-kryeministrit Sali Berisha në lidhje me dosjen “Partizani”. Në këtë padi, ata kërkojnë zgjidhjen e konfliktit të kompetencave mes Kuvendit, SPAK dhe GJKKO në lidhje me kufizimin e lirisë së deputetit, pa kërkuar dhe marrë paraprakisht autorizimin e Kuvendit.
Gjithashtu, në padi është kërkuar pezullimi i masave shtrënguese ndaj Sali Berishës derisa Gjykata Kushtetuese të shprehet në lidhje me këtë çështje. Opozita ka shprehur shqetësimin për respektimin e procedurave dhe kompetencave ligjore në këtë rast dhe kërkon një zgjidhje të drejtë dhe ligjore nga Gjykata Kushtetuese.
