Rrathët e zinj dhe qeskat e syve mund të trajtohen në shtëpinë tuaj përmes maskave natyrale dhe të thjeshta. Mungesa e pushimit të mirë, pagjumësia, ushqyerja e keqe, dhe makiazhi janë disa nga shkaktarët kryesorë të këtyre problematikave. Në këtë artikull, do të gjeni disa receta të lehta dhe efektive për të trajtuar këto çështje dhe për të sjellë freskinë në zonën e syve.

Maska Me Patate dhe Kastravec:

Përbërësit:
¼ e një patate mesatare
¼ e kastravecit
½ e një kapsule me vitaminë E.
Përgatitja:
Lajini dhe qërojini perimet.
Ziejini për 10 minuta dhe pasi të jenë ftohur futini në mikser bashkë me vitaminën E.
Vendoseni masën e qullët tej pjesa e poshtme e syve dhe shpërlajeni pas 15 minutash.

Maska Me Kamomil Dhe Kos:

Përbërësit:
1 bustinë me kamomil
Çerek gote me ujë të nxehtë
1 lugë gjelle me kos.
Përgatitja:
Futeni bustinën e kamomilit në ujë të nxehtë. Shtoni kosin dhe përziejeni mirë me lëngun e ngrohtë.
Futeni në frigorifer dhe lëreni të ftohet. Pas 24 orësh vendoseni kremin në pjesën e syve dhe mbajeni për 20 minuta.

Maska Me Mollë Dhe Vaj Ulliri:

Përbërësit:
Një gjysëm molle
1 lugë gjelle me vaj ulliri.
Përgatitja:
Ziejeni mollën me pak ujë.
Më pas futeni në mikser dhe përziejeni deri sa të krijoni një pure. Shtoni vajin e ullirit dhe përziejeni sërish.
Maskën vendoseni tek pjesa poshtë syve. Mbulojeni zonën me një peshqir të ngrohtë dhe mbajeni për 30 minuta.

Maskë Me Vaj Esencial Avokadoje dhe Bajameje:

Përbërësit:
3 pika vaji avokado
3 pija vaji bajamesh
Përgatitja:
Përziejini të dy varjat së bashku në pëllëmbë të dorës dhe lyeni pjesën e syve.
Masazhojeni për një përthithje më të mirë dhe mbajeni deri sa vaji të thithet në lëkurë dhe më pas shpërlajeni me ujë të vakët.

Këshilla Në Lidhje Me Rrathët e Zinj:

Vendosni maskat në momente dhe rrethana qetësie të plotë.
Masazhi i zonës duhet bërë në formë rrethore dhe pastrimi i maskës duhet të jetë i butë duke përdorur pambuk.