Policia spanjolle ka arrestuar 14 punonjës të Aeroportit në ishullin Tenerife, të akuzuar për vjedhjen e sendeve me vlerë prej 2 milionë euro nga bagazhet e pasagjerëve. Ndër sendet e vjedhura përfshiheshin 29 orë luksoze, 22 telefona inteligjentë të teknologjisë së fundit dhe 120 bizhuteri. Dyshohet se të arrestuarit kanë shitur tashmë pjesën e mallrave të vjedhura në dyqane.

Operacioni i policisë nisi pas ankesave të pasagjerëve, dhe hetimet tregojnë se vjedhjet kanë ndodhur gjatë vendosjes së valixheve në bagazhin e avionit. Të dyshuarit dyshohet se kanë vjedhur sendet duke u përqëndruar në pasagjerët dhe punonjësit e tjerë të aeroportit. Autoritetet po mbikqyrin edhe 20 punonjës të tjerë të aeroportit dhe 27 dyqane bizhuterie në ishull në lidhje me këtë rast. Aeroporti Tenerife është një nga aeroportet më të ngarkuara në Spanjë, duke pritur 10.8 milionë pasagjerë në vitin 2022, sipas kompanisë menaxhuese Aena.