Operacioni policor i koduar “Tempulli” vijon me sukses, duke çuar në pranga një 25-vjeçar, i identifikuar si Besnik Ndreca, për dyshime të prodhimit dhe shitjes së substancës narkotike cannabis sativa. Specialistët e Seksionit për Hetimin e Narkotikëve në Lezhë kanë kryer një megaoperacion bazuar në informacione të siguruara nga inteligjenca policore.
Në fshatin Delbnisht, Kurbin, policia lokalizoi dhe ndali shtetasin Besnik Ndreca, i cili, pasi pa praninë e forcat policore, tentoi të fshinte një çantë. Pas kontrollit të saj, u zbuluan 3 kilogramë e 165 gramë lëndë të dyshuar narkotike, konkretisht cannabis sativa.
25-vjeçari u arrestua në flagrancë dhe akuzohet për veprën penale “Prodhimi dhe shitja e narkotikëve”. Së bashku me të, u sekuestrua çanta me lëndë narkotike dhe një aparat celular, të cilat do të jenë pjesë e provave në procedurën gjyqësore.
Njoftimi i policisë:
Specialistët e Seksionit për Hetimin e Narkotikëve të Drejtorisë Vendore të Policisë Lezhë, bazuar në informacionet e siguruara nga inteligjenca policore, se një shtetas do të transportonte një çantë me lëndë të dyshuar narkotike kanabis sativa, me qëllim shitjen e saj, kanë organizuar punën në kuadër të megaoperacionit antidrogë të koduar “Tempulli”, për ndalimin e këtij shtetasi.
Në fshatin Delbnisht, Kurbin, është lokalizuar dhe ndaluar shtetasi B. N., i cili sapo ka parë shërbimet e Policisë, ka tentuar të fshehë në anë të rrugës, një çantë brenda së cilës u gjetën 3 kilogramë e 165 gramë lëndë e dyshuar narkotike cannabis sativa.
Në vijim të veprimeve procedurale u arrestua në flagrancë shtetasi B. N., 25 vjeç, banues në fshatin Delbnisht, për veprën penale “Prodhimi dhe shitja e narkotikëve”.
Lënda narkotike dhe një aparat celular u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.
