Në një intervistë televizive, ish-kryetari i Komisionit Qendror të Zgjedhjeve, Kristaq Kume, ka shprehur mendimin se zgjidhja e ngërçit të kryebashkiakut të Himarës, Jorgo Goro, mund të bëhet përmes ligjit shqiptar. Ai ka theksuar se deri në momentin e betimit të kryebashkiakut të zgjedhur në detyrë, Jorgo Goro mbetet në detyrë sipas legjislacionit aktual. Nëse Goro do të jepë dorëheqjen, Kume ka thënë se detyrën do ta marrë nënkryetari i bashkisë. Kume ka sjellë si shembull rastin e Voltana Ademit në zgjedhjet lokale të 2019, duke theksuar se ligji aktual nuk jep shteg të qartë për të vepruar në këtë situatë. Ai ka propozuar se duhet të hartohet një ligj i ri për të rregulluar këtë çështje. Kume ka kritikuar rekomandimin e Gjykatës së Posaçme, duke theksuar se ajo nuk çon në rrugën më të mirë të mundshme.
“Unë parashikoj se do të bëhet pjesë e problemit ne nuk kemi në legjislacion asnjë shteg të hapur për të vepruar në këtë mënyrë qeveria. Në raste të ngjashme me këtë është rasti i Shkodrës Voltana Ademi ndenji 3 vite se nuk që mbyllur problemi i atij që dha dorëheqjen. Ligji për vetëqeverisjen vendore. Mandati përfundim në kohë kur votohet pasardhësi i tij. Në këtë rast vazhdon në detyrë Goro përveçse ai largohet. Edhe në qoftë se ai jep dorëheqjen nuk hapet shtegu që të veprojë qeveria, ashtu siç e referon legjislacioni shqiptar. Nëse Goro jep dorëheqjen, atë që duhet të bëjë si drejtues si kësaj bashkie e ka nënkryetari i bashkisë. Nëse ka 2 nënkryetar mblidhet këshilli bashkiak dhe merr detyrën një nga nënkryetarët. Unë këtu lexoj nuk i gjej dot shteg asaj që rekomandon të bëhet”, deklaroi ai. Më tej Kume theksoi se ajo që i thotë gjykata nuk e çon në rrugën më të mirë të mundshme. Sipas tij, duhet të bëhet ligj tjetër. “Gjykata thotë unë këtij problemi si jap zgjedhje, dhe pas kësaj jep një rrugë! Pse e bën këtë gjë? Nuk është situatë e paprekur, ne e kemi kaluar. Ajo që i thotë gjykata nuk e çon në rrugën më të mirë të mundshme. Duhet të bëhet ligj tjetër. Janë 7 muaj që Beleri është në paraburgim. Mos e kërkojmë zgjidhjen në artifica. Gjykata duhet të thoshte ore shikoni legjislacionin shqiptar. Bashkia do të qeverisës prej kryetarit aktual”, nënvizoi Kume.
