Shefi i organizimit në Rithemelimit, Klevis Balliu, ka komentuar aksionin e opozitës pas arrestimit të kryedemokratin Sali Berisha me urdhër të kryeministrit Edi Rama. Në një intervistë televizive, Balliu ka theksuar se goditja e Berishës nuk është habi, duke e përcaktuar atë si personin që i ka kallur datën mazhorancës dhe qeverisë. Ai ka propozuar që aksioni opozitar duhet të nisë me konceptin “Shqipëria është në diktaturë”. Balliu ka theksuar se ky aksion do të jetë shumë herë më i vrullshëm dhe më i fortë, dhe e vetmja gjë që ka mbetur është mbledhja e forumeve të Partisë Demokratike (PD). Gjithashtu, ai ka sjellë në vëmendje disa çështje tjera, duke pyetur pse SPAK nuk bën hetime për figura të tjera të përfshira në skandale korruptive.
Për kryetarin e PD-së, për ne demokratët nuk është habi, mbase për të tjerët mund të jetë por personalisht nuk habitem që është sulmuar nga kjo qeveri pasi është sot i vetmi që i kall datën kësaj mazhorance dhe kësaj qeverie. Është një lëvizje për të pasur një lloj organizimi më efektiv është në kuadër edhe të zgjerimit dhe hapjes së PD-së. N.q.s deri dje ne aksionin e nisnim nga koncepti që ‘të bëjmë kujdes se Shqipëria po rreshket në diktaturë’, sot aksioni duhet të nisë nga koncepti që ‘Shqipëria është në diktaturë’.
Janë dy gjëra shumë të ndryshme”, deklaroi ai. Më tej Balliu theksoi se aksioni opozitar do të jetë shumë herë më i vrullshëm. Sipas tij, e vetmja gjë që ka mbetur është mbledhja e forumeve të PD. “Nga ky aspekt mendoj se aksioni opozitar do të jetë shumë herë më i vrullshëm, shumë herë më i fortë dhe shumë herë më i vështirë. Ata që e kanë bindje aksionin e tyre ata që qëndrojnë për interes parimor, nuk i ndryshon aktet dhe planet e tyre.
E vetmja gjë që ka mbetur sot është mbledhja e forumeve të PD-së, sqarimi me ta dhe nisja e një aksioni nga koncepti që sot Shqipëria është në diktaturë. Kur arrestohet kryetari i opozitës, kur sulmohet opozita në këtë mënyrë, kur vidhet dhe nuk ndodh asgjë, se SPAK dakord por pse nuk bën gjë për Olta Xhaçkën, për Erion Veliajn, i cili ishte një person që kur erdhi në pushtet nuk deklaronte asnjë shtëpi dhe 2 javë pasi u bë ministër bëri një dasmë 500 mijë euro. Ky SPAK-u do nisi ndonjë hetim për këtë çështje apo për paratë që ka sot ai?”, nënvizoi Balliu.
