Në një intervistë të emocionuar me moderatoren Ester Bylyku , Xhoana Kurti ka treguar momentin e vështirë kur mori vesh për vdekjen e ish-partnerit të saj, Ergys Dashit.

Sipas Xhoana Kurtit, ajo ka marrë një telefonatë nga një shok i Dashit që donte të fliste me të. Në atë moment, një foto e Ergys Dashit iu shfaq në telefon dhe i thanë: “A është ai?”. Kur Xhoana pa foton e personit të vrarë, ajo ndjeu një tronditje të thellë dhe shpresonte që të ishte një keqkuptim. Megjithatë, tragjedia ishte e vërtetë.

“Ai ishte përmbys dhe shpresoja që të ishte gjallë… Kam bërtitur shumë dhe isha me një shoqe i thashë që kanë vrarë Gysin. Kur më konfirmuan vdekjen nuk mbaj mend asgjë dhe përjetova depresion,” tregoi Xhoana Kurti në intervistë.

Ergys Dashi u vra në një atentat në Ekuador në janar 2022, kur ndodhej në një lokal, ku u sulmua me 20 plumba. Kjo ngjarje shkaktoi tronditje të mëdha dhe ndikoi thellë në Xhoana Kurtin, e cila tani ndan momente të dhimbshme të jetës së saj.