Moderatorja Kiara Tito ka folur hapur për lidhjen e saj me vjehrrën në një intervistë në “Ftesë në 5”. Ajo shprehu se ata kanë një raport shumë të mirë dhe miqësor, dhe ndjehet e lirshme në këtë marrëdhënie. Kiara tregoi se ata shpesh flasin në telefon, veçanërisht për vajzën, dhe vjehrra është shumë e interesuar për jetën e tyre.

“Kemi një raport si shoqe. Nuk e kisha menduar ndonjëherë se do isha aq e lirshme. Jo se ka ndonjë gjë të keqe, por kur nuk e ke vjehrrën nuk e mendon ashtu. Nuk do më pelqente ta quaja vjehërr. Unë i them Anxhi. Flasim shpesh në telefon, ajo është në SHBA tani. Më pyet shumë për vajzën, është shumë meraklie”, tha ajo.