Komisioneri i Lartë i OKB-së për të Drejtat e Njeriut, Volker Turk, dënoi me forcë sulmet e fundit të Rusisë në të gjithë Ukrainën.

Sulmet e koordinuara me dronë dhe raketa shkaktuan vdekje dhe dëme të mëdha, duke goditur objekte civile si ndërtesat e banimit, shkolla, kopshte, dhe infrastrukturën energjetike.

Turk i bëri thirrje Federatës Ruse për të ndërpresur menjëherë sulmet dhe për të respektuar rregullat e së drejtës ndërkombëtare humanitare. Situata vjen si pasojë e pushtimit të plotë të Ukrainës nga Rusia në shkurt të vitit 2022.

“E drejta ndërkombëtare humanitare ndalon në mënyrë eksplicite sulmet e qëllimshme ndaj objekteve civile, dhe sulmet pa dallim, në çdo rrethanë,” tha ai.

“I bëj thirrje përsëri Federatës Ruse që të ndërpresë menjëherë sulmet e saj në Ukrainë dhe të respektojë të gjitha rregullat e së drejtës ndërkombëtare që kanë të bëjnë me zhvillimin e luftimeve”, tha Turk.