Në një konferencë të fundvitit, Kryeministri Edi Rama paraqiti disa shifra që reflektojnë ecurinë e sektorëve të ndryshme në Shqipëri.
Rama theksoi se Aeroporti i Tiranës ka ngjitur në krye krah për krah me Aeroportin e Beogradit, duke u bërë aeroporti me numrin më të madh të pasagjerëve në rajon. Ai gjithashtu përmendi rritjen më të lartë të pasagjerëve sipas klasifikimit të Agjencisë Europiane të Aviacionit Civil.
Kryeministri tha se mbi 500 mijë vizitorë kanë zbritur në Portin e Sarandës, dhe shtoi se do të ketë investime për ndërtimin e një porti të ri turistik në këtë qytet.
Në lidhje me infrastrukturën, Rama raportoi se janë mbyllur 37 projekte për furnizimin me ujë 24 orë për banorët e 24 bashkive. Gjithashtu, shprehu kënaqësinë për rritjen e eksporteve bujqësore, duke përmendur një vlerë prej 64.4 milionë euro.
‘Aeroporti i Tiranës është ngjitur në krye krah për krah me aeroportin e Beogradit si aeroporti me numrin më të madh të pasagjerëve në rajon dhe ndërkohë është aeroporti me rritjen më të lartë të pasagjerëve me gjithë klasifikimin e bërë nga Agjencia Europiane e Aviacionit Civil. Mbi gjysmë mln kanë zbritur në Portin e Sarandës. Jemi në proces transformimi dhe për portin ekzistues të Sarandës. Janë mbyllur 37 projekte për furnizimin me 24 orë ujë të banorëve të 24 bashkive. Eksportet bujqësore kanë vazhduar të rriten vlera është 64.4mln euro.’- tha Rama.
