Në një konferencë për shtyp, kryeministri Edi Rama ka shpallur se duhet një drejtësi që të godasë ata që janë të veshur me pushtet, duke përfshirë edhe personat brenda qeverisë. Rama ka theksuar se përgjegjësia qeverisëse është e tij si kryeministër, ndërsa përgjegjësia penale është individuale.
Kryeministri ka bërë thirrje për një drejtësi që të ndëshkojë shkelësit e ligjit, duke përfshirë edhe individë brenda qeverisë. Ai ka përmendur nevojën për të ndarë rrugë me ata që tradhtojnë qëllimet e përbashkëta dhe ka deklaruar se është i interesuar që shkeljet e ligjit të mos kalojnë e pandëshkuara.
Në lidhje me reformën në drejtësi, Rama ka njoftuar se do të reformohen agjencitë e prokurimeve publike. Kjo përfshin marrëveshje me agjenci ndërkombëtare për prokurimet dhe krijimin e një njësie të përqendruar. Kryeministri gjithashtu ka shpallur një model të ri të inteligjencës artificiale që synon të reduktojë 95% të punës së njeriut në prokurimet publike.
Nuk besoj se ka ndryshuar gjë, është fjala për koncept të thjeshtë. Përgjegjësia qeverisëse patjetër që është e kryeministrit, ndërsa përgjegjësia penale është individuale ndaj secilit. S’ka përgjegjësi të ndarë kur është fjala për individë të cilët abuzojnë me detyrën prapa kurrizit të të tjerëve dhe përpiqen që të përfitojnë duke shfrytëzuar mundësinë që u jep detyra. Përgjegjësia e kryeministrit është e padiskutueshme për të gjitha qëllimet dhe objektivat e shpallura. Qëllimet e pashpallura individuale janë qëllime të ulëta që secili ka përgjegjësi strikt individuale. Nëse mund të përpiqemi ta shohim ndryshe besoj se bëhet më e qartë në sensin që qeveria, kryeministri, forca që udhëheq mban përgjegjësi për mënyrën se si reagojnë ndaj shfaqjes së shkeljes së ligjit dhe parimit të punës së përbashkët. Ne do mbanim përgjegjësi nëse do ishim të pavendosur dhe të kundër vendosur ndaj shfaqjeve të shkeljes së ligjit nga ana e cilitdo brenda rrethit të kësaj force qeverisëse që është i përbërë nga njerëzit që drejtojnë vendin. Unë jam njeriu më i interesuar që asgjë që përbën një shkelje të ligjit dhe dëm të interesit të publikut të mos kalojë e pandëshkuar. Na duhet një drejtësi që të godasë ata që janë të veshur me pushte pa dallim, edhe brenda për brenda qeverisë. Ky është momenti për të ndarë rrugët për të gjithë ata që tradhtojnë qëllimet e përbashkëta. Ne e kemi hapur këtë rrugë. E kam thënë që na duhet një drejtësi që të godasë ata që janë të veshur me pushtet. Të godasë fenomene, fakte që tregojnë se një individ ka shkelur ligjin”Do të bëjmë marrëveshje me agjenci ndërkombëtare për prokurimet dhe do të bëhen nga një njësi e përqendruar. Do të heqim prokurimet nga ministritë dhe nga ana tjetër do të krijohen kushtet që agjenci që bëjnë prokurime të bashkëpunojnë me agjenci ndërkombëtare.
Paralelisht po punojmë për modelin e ri të inteligjencës artificiale që do të eliminojë 95% të punës së njeriut në prokurimet publike. Këto janë të gjitha hapa që kërkojnë kohën e tyre”, tha Rama.
