Presidenti i Republikës, Bajram Begaj, ka dërguar urime për vitin e ri 2024 dhe ka përmendur disa nga arritjet e Shqipërisë gjatë vitit të kaluar. Në mesazhin e tij, Presidenti ka veçuar forcimin e reputacionit të vendit në arenën ndërkombëtare dhe rritjen e numrit të turistëve që vizituan Shqipërinë. Ai bëri thirrje për një politikë që lë mënjanë dallimet dhe përqendrohet në interesat e shqiptarëve.

Presidenti Begaj tha:

“Viti që lamë pas pati zhvillime pozitive, veçoj rritjen e reputacionit të Shqipërisë në botë. Treguam se ndonëse vend i vogël i kemi mundësitë të jemi faktor në rajon e në botë. Këtë vit miliona turistë vizituan vendin tonë. Gjithashtu, vijuam angazhimin tonë për anëtarësimin në BE. I bëj thirrje të gjithë forcave politike që, pavarësisht dallimeve, tu japin rëndësi interesave të qytetarëve.”

Me përfundimin e mesazhit, Presidenti Begaj uroi të gjithë shqiptarët për një vit të ri të mbarë, të paqët dhe të begatë.