Mbrëmjen e sotme, policia gjermane në Këln ka arrestuar tre persona me dyshimet se kishin planifikuar një sulm terrorist në prag të ndërrimit të vitit. Mësohet se grupi kishte planifikuar një sulm me makinë, dhe për këtë arsye, parkingu nëntokësor i katedrales së Këlnit është vënë nën kontroll.

Hyrjet dhe daljet nga katedralja gjithashtu janë nën kontroll të shtuar.

Alarmi për sulm është dhënë më herët, dhe policia ka rrethuar zonën për të rritur masat e sigurisë rreth katedrales së Këlnit. Në një ngjarje të ngjashme më herët, pesë persona ishin arrestuar me dyshime të ngjashme në prag të festave të Krishtlindjeve. Situata është ende në zhvillim dhe po monitorohet ngushtë nga autoritetet e sigurisë.