Në bulevardin “Zogu I” në Tiranë, më 1 janar rreth orës 00:35, 51-vjeçarja me iniciale A.K., shtetasja e huaj, është plagosur me armë zjarri me vrimë hyrje nga lart-poshtë. Plaga e dyshuar të jetë shkaktuar nga një predhë e kalibrit të vogël, e ardhur nga lartësia.

Shtetasja ka marrë ndihmën mjekësore dhe ndodhet jashtë rrezikut për jetën. Grupi hetimor nën drejtimin e Prokurorit është në punë për sqarimin e plotë të rrethanave të ngjarjes.

Informacione të tjera do të jepen pas sqarimit të plotë të ngjarjes dhe identifikimit të burimit të zjarrit.

Njoftimi i policisë:

Më datë 01.01.2024, rreth orës 00:35, në bulevardin “Zogu I”, është dëmtuar dyshohet me armë zjarri, me vrimë hyrje nga lart-poshtë, me burim zjarri ende të paidentifikuar, shtetasja e huaj A. K., 51 vjeçe, e cila ndodhet në spital, ka marrë ndihmën mjekësore dhe ndodhet jashtë rrezikut për jetën.

Dyshohet se plaga mund të jetë shkaktuar nga një predhë e kalibrit të vogël, e ardhur nga lartësia.

Grupi hetimor në drejtimin e Prokurorit po punon për sqarimin e plotë të rrethanave të ngjarjes.

Për këtë ngjarje do të kemi informacion më të zgjeruar pas sqarimit të plotë të të gjitha rrethanave dhe mekanizmit të ndodhjes së ngjarjes.