Në pasojë të një tërmeti me magnitudë 7.6 në pjesën perëndimore të Japonisë, numri i të vdekurve ka shkuar në 55 persona deri më tani. Ekipet e shpëtimit po punojnë në kushte të vështira për të shpëtuar njerëzit e bllokuar nën rrënoja, ndërsa moti i ftohtë shton sfidat e operacioneve.

Epiqendra e tërmetit ndodhet në prefekturën Ishikava, zona që pësoi dëme të mëdha nga lëkundjet. Kryeministri i Japonisë, Fumio Kishida, ka bërë deklarata rreth dëmeve të mëdha në zonën bregdetare perëndimore dhe përpjekjeve për të ndihmuar aty.

Situata është shpërthyer në vështirësi nga kushtet e vështira atmosferike dhe bllokimet rrugore. Ekipet e shpëtimit po përpiqen të arrinë në zonat izoluar, veçanërisht në gadishullin e Notos, ku temperaturat janë nën zero dhe mijëra banesa kanë humbur furnizimin me energji.

Kryeministri Kishida ka theksuar përpjekjet për dërgimin e ndihmës në zonat e prekura, por bllokimet rrugore po bëjnë që ky proces të jetë sfidues. Presidenti i Shteteve të Bashkuara, Joe Biden, ka shprehur gatishmërinë për të ofruar ndihmë të nevojshme për autoritetet japoneze.

“Tani që është ulur niveli i paralajmërimit për cunami, do jemi në gjendje të përdorim rrugë transporti detar. Po përdorim çdo rrugë për të dërguar të gjithë ndihmën e nevojshme në zonat e goditura. Po tentojmë të mbledhim të gjithë informacionin e mundshëm, por për shkak të bllokimit të rrugëve është shumë e vështirë të kemi qasje në pjesën veriore të gadishullit Noto”, tha kryeministri Fumio Kishida.

Ndërkaq, një ngjarje tragjike ndodhi në aeroportin e Tokios Haneda, ku një avion i Rojës Bregdetare u përplas me një avion të linjës ajrore “Japan Airlines”, duke rezultuar në vdekjen e 5 anëtarëve të ekuipazhit. Roja Bregdetare kishte dërguar avionin për transportimin e ndihmave në zonat e prekura nga tërmeti. Në këtë rrethana të vështira, është raportuar se të gjithë 379 pasagjerët e linjës “Japan Airlines” kanë shpëtuar nga zjarri që shpërtheu pas përplasjes.