Një shtetas 31-vjeçar, i shpallur në kërkim për vjedhje, është arrestuar sot në Durrës nga specialistët për hetimin e krimeve të Komisariatit të Policisë. Saleo Rexhepi, i dënuar me 3 muaj e 24 ditë burg nga Gjykata e Shkallës së Parë e Juridiksionit të Përgjithshëm Durrës, është kapur në zbatim të planit operacional “Sundimi i ligjit”.
Sipas policise, Rexhepi akuzohet për vjedhjen e disa materialeve prej hekuri në një subjekt privat në muajin maj të vitit 2023. Pas dënimit nga Gjykata, ai ishte shpallur në kërkim, por sot është ndaluar nga autoritetet.
Njoftimi:
Specialistët për Hetimin e Krimeve të Komisariatit të Policisë Durrës, në vijim të kontrolleve të ushtruara në zbatim të planit operacional “Sundimi i ligjit”, për kapjen e shtetasve në kërkim dhe goditjen e veprimtarive kriminale, kanë kapur dhe ndaluar shtetasin Saleo Rexhepi, 31 vjeç, banues në Durrës.
Ky shtetas ishte shpallur në kërkim pasi Gjykata e Shkallës së Parë e Juridiksionit të Përgjithshëm Durrës e ka dënuar me 3 muaj e 24 ditë burgim, për veprën penale “Vjedhja”, sepse në muajin maj të vitit 2023, ka vjedhur disa materiale prej hekuri, në një subjekt privat.
Materialet procedurale i kauan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.