Mëngjesin e sotëm, një ngjarje e tronditshme ka ndodhur në zonën e Freskut në Tiranë, ku dy vëllezër, Lulëzim dhe Vehap Cami, janë vrarë brenda familjes. Hetimet e hershme dyshojnë se përplasja tragjike ka ndodhur për shkak të një konflikti pronësie.
Detaje të reja janë zbuluar nga ngjarja. Viktima, Lulëzim Cami, jetonte në banesën ku ndodhi krimi, ndërsa autori i ngjarjes, Vehap Cami, jetonte në Lundër. Sipas burimeve, Vehapi ka shkuar në banesën e vëllait dhe ka hyrë brenda pa pasur asnjë debat paraprak. 68-vjeçari ka nxjerrë drejtpërdrejt një pistoletë dhe ka qëlluar.

Në momentin e tragjedisë, në banesë ishin edhe familjarë të tjerë të Lulëzimit, por fatmirësisht ata nuk janë lënduar. Ngjarja vazhdon të shokuojë komunitetin dhe hetuesit po punojnë për të zbardhur më shumë detaje dhe për të kuptuar shkakun e saktë të kësaj ngjarje të trishtueshme brenda një familjeje.