Pas vetëvrasjes së 41-vjeçares Bedrie Lokës në Durrës, e cila dyshohet se ishte viktimë e bullizimit në rrjetet sociale, këngëtarja Zajmina Vasjari, e cila rezulton pronare e fasonerisë ku punonte e ndjera, ka reaguar në media sociale. Vasjari pretendon se ngjarja nuk ka lidhje me profilin e rremë në TikTok, ku e ndjera përflitej me fjalë të rënda.

Në postimin e saj, Zajmina Vasjari shkruan: “Tani do prehesh në paqe Bedrie! U përpoqa shumë dje të zbardhja historinë tende nga lajmi i rremë që portalet të përfshinë, por për fat të keq askujt nuk i interesoi historia e një gruaje të dhunuar, sepse ndoshta është shumë e degjuar, por historia e TikTok-ut do ishte lajm më i klikuar. Për fat të keq sot, edhe lajmi i vdekjes shet pa i interesuar e vërteta. Ti ishe një grua e bukur, e zonja, e fortë, një nga puntoret më të shkëlqyera të kompanisë sonë, e ndershme dhe një Nënë shembullore. Ngushëllime të përzemërta familjarëve!”

Bashkëshorti i gruas është arrestuar dhe dyshohet se ka kryer dhunë ndaj 41-vjeçares.