Kryeministri malazez, Milojko Spajiç, ka reaguar me keqardhje pas dhunës së ushtruar ndaj 3 shqiptarëve në Malin e Zi. Në një postim në rrjetet sociale, ai ka shprehur keqardhje për ngjarjen dhe ka theksuar se Mali i Zi duhet të mbetet një oaz paqeje dhe sigurie për të gjithë. Kryeministri ka njoftuar se njëri nga autorët e ngjarjes është identifikuar dhe po punohet për kapjen e tij, duke shtuar se shpejt do të bëhen të ditura edhe informacione të tjera lidhur me ngjarjen.

Ky reagim i kryeministrit shpreh përkushtim për zbardhjen e ngjarjes dhe sigurinë e të gjithë qytetarëve në Malin e Zi, si dhe dënon aktet e dhunës ndaj të huajve.

“Më vjen shumë keq për ngjarjet e sotme që ndodhën të ftuarit tanë të dashur nga Shqipëria. Theksoj se Mali i Zi duhet dhe do të jetë një oaz paqeje dhe sigurie për të gjithë. Mendimet tona janë me të gjithë të prekurit dhe ne po punojmë për t’i ofruar të gjithëve sigurinë dhe mikpritjen që meritojnë. Një autor është identifikuar dhe po punohet për kapjen e tij. Së shpejti të gjitha informacionet do të bëhen të ditura për të tjerët”, shkruan Spajiç në rrjetin social X.